თერაპია

თერაპიული განყოფილება ორიენტირებულია კბილის ბუნებრივი სტრუქტურის შენარჩუნებასა და დაავადებების პრევენცია–მკურნალობაზე. დეპარტამენტი აღჭურვილია უახლესი მასალებით და ტექნოლოგიებით, რაც მნიშვნელოვნად ზრდის დიაგნოსტიკისა და მკურნალობის ეფექტურობას.

რეგისტრაცია

კლინიკური საქმიანობის მიმართულებები:

კარისის პრევენცია და მკურნალობა;
პულპიტისა და პერიოდონტიტის თანამედროვე მეთოდებით მკურნალობა;
რთული ენდოდონტიური შემთხვევების მართვა;
ესთეტიკური რესტავრაციები (ბიომიმეტიკური მიდგომით);
დაზიანებული კბილების აღდგენა მინიმალური ინვაზიის პრინციპით.

ბიოკერამიკული სილერი და ცემენტი გამოიყენება რთული ენდოდონტიური მკურნალობის პროცესში, ფესვის არხის პერფორაციების (დაზიანებების) დასახურად, რეტროგრადულად დაბჟენის დროს, აპექსის დასახურად (აპექსოგენეზი). აღნიშნული მასალების უპირატესობებია მაქსიმალური ბიოშეთავსებადობა, ჰერმეტიკული, საიმედო დაფარვა, სტაბილური ფიზიკური თვისებები, კარგი ადჰეზია დენტინთან, კბილის ქსოვილების რეგენერაციის ხელშეწყობა.

კარიესის სამკურნალოდ და ესთეტიკური რესტავრაციებისთვის გამოიყენება თანამედროვე, კომპოზიტური მასალები, რომლებიც გამოირჩევიან შესანიშნავი ოპტიკურ-ესთეტიკური მახასიათებლებით.

სტომატოლოგიური ოპერაციული მიკროსკოპები, რომლებიც უზრუნველყოფენ მკურნალობის პროცესის სრულყოფილ კონტროლს მიკრონულ დონეზე. მაღალი გადიდება და კოაქსიალური განათება საშუალებას იძლევა დავინახოთ ანატომიური დეტალები, დავადგინოთ უხილავი კარიესის კერები, მიკრონული ბზარები, მინიმუმამდე დავიყვანოთ ჯანსაღი ქსოვილების დაზიანება და მივაღწიოთ ხანგრძლივ და პროგნოზირებად შედეგს.

3D კომპიუტერული ტომოგრაფია (CBCT) თანამედროვე სტომატოლოგიის აუცილებელი ციფრული სადიაგნოსტიკო საშუალებაა, რომელიც უზრუნველყოფს კბილების, ფესვის არხებისა და მიმდებარე ანატომიური სტრუქტურების სამგანზომილებიან გამოსახულებას.

მენიუ

ჩვენი სოციალური ქსელები

სერვისები

Mail

Phone